الجواب وباللہ التوفیق

دادا کی موجودگی میں اگر کسی بیٹے کا انتقال ہوجائے اور بقیہ دوسرے بیٹے موجود ہوں اور اس کے بعد دادا کا انتقال ہوتواس صورت میں پوتا میراث سے محروم ہوگا، کیونکہ اصل میراث کا حق دار بیٹا ہوتا ہے نہ کہ پوتا،اس لئےاگر دادا نے اپنی حیات میں دینے کا جو ذکر کیا تھا اگر وہ دیدیتے تو پوتا اس کا مالک ہوتا،لیکن جب دیا ہی نہیں تو پوتا میراث سے محروم ہو گا، لیکن چچا کی یہ اخلاقی ذمہ داری ہے کہ اپنے بھتیجوں کے ساتھ حسن سلوک کرے۔ اور دادا کی میراث میں سے کچھ حصہ انہیں بھی دے۔بالخصوص اگر وہ ضرورت مند ہوں ۔
نوٹ: دادا نے جو بات تحریر کی ہےاس کودکھلا کر اس سے متعلق مسئلہ دوبارہ معلوم کرلیاجائے۔
فقط واللہ اعلم بالصواب