السلام علیکم ورحمۃ اللہ وبرکاتہ

ہم اکثر اپنے بڑوں سے یہ بات سنتے آئے ہیں کہ ان کی بات سننی چاہئے ،یہ سلسلہ اس وقت تک بھی چلتا رہتا ہے جب ہم لوگ جوان ہوجاتے ہیں اور بڑے ہوجاتے ہیں ، اس کے باوجود ہمیں بڑوں کی بات سننے کی ترغیب دی جاتی رہتی ہے ، کیا اس کا مطلب یہ ہے کہ صرف بوڑھے لوگ جو عمر میں بڑے ہوں وہی صحیح ہوسکتے ہیں ۔ کسی وجہ سے میرے ذہن میں یہ بات بار بار آتی ہے کہ میں اس بات پر یقین رکھتا ہوں کہ صحیح بات کسی سے بھی صادر ہوسکتی ہے،اور کوئی بھی صحیح بات کہہ سکتا ہے اس میں عمر کا تعلق نہیں ہے، یہاں تک کہ میرے اپنے بچے بھی کوئی صحیح بات کرسکتے ہیں ،جس کے بارے میں میرا ذہن اس طرف نہیں جا رہا ہو یہ میں نہیں سوچ رہا ہوں، میں ہرگز بھی بڑوں کی بے عزتی کی طرف جسارت نہیں کررہا   لیکن میں امید کرتا ہوں کہ آپ سمجھ سکتے ہوں گے میرا نکتہ اصل میں کیا ہے، اور ہمارے کلچر میں اس بات کو بھی دیکھا جاتا ہے بار بار کہ ہم اگر کسی کی بات سے   اتفاق نہ کریں ،تو اس بات سے بڑوں کی بے عزتی سمجھا جاتا ہے ؟ مجھے اس کا اندازہ ہے کہ کچھ چیزیں انسان کے کلچر سے چلتی ہیں ،کلچر میں پیدا ہوتی ہیں، ایک عرصے کے بعد وہ چلتے چلتے پھر لوگوں پر اس کا اثر ہونے لگتا ہے ، میں اس چیز میں یقین رکھتا ہوں کہ اسلام ہمارے ذہن و خیالات کے اظہار کو روکتا نہیں ہے بلکہ اس کو پسند کرتا ہے ، اسلام لوگوں کے آپس کے فروق کو پسند کرتا ہے چاہے ان کے درمیان عمر کا کوئی بھی فرق ہو۔اکثر ہمیں یہ سننے میں آتا ہے کہ اسلام دینِ فطرت ہے ،اور میرا یہ یقین ہے کہ ایک انسان ہونے کے ناطہ میں صحیح اور غلط دونوں فیصلے کرسکتا ہوں ، اوراگر میں نےصحیح یا غلط فیصلہ کیا تو مجھے اس کو قبول کرنا چاہئے کہ وہ میں نے صحیح یا غلط کیا ہے، لیکن میں اس کے بعد پشیمان نہیں ہونا چاہتا کہ میں نے اپنا فیصلہ کسی اور کے ہاتھ میں دے کر اس کو اس فیصلہ کرنے کی اجازت دے دی ہو، وہ میری جگہ پر میرے لئے فیصلہ کرے میں کوئی دین اور مذہب کا عالم تو نہیں ہوں لیکن امید کرتا ہوں کے اس سلسلہ میں میری رہنمائی فرماتے ہوئے اس مسئلہ پر کچھ روشنی   ڈالیں گے۔ جزاک اللہ آپ کے وقت اور محنتوں کیلئے۔