السلام علیکم

یہاں امریکہ میں چند پیزا کی  ایسی دوکانیں ہیں جو چین کی مانند ہیں یعنی ان کی برانچ ہر جگہ موجود ہے، مثلا پاپا جانز، ڈامینوز اور پیزا ہٹ وغیرہ، ان  میں سے کچھ برانچز مسلمانوں کی ہیں۔ میرا سوال کراس کنٹامنیشن سے متعلق ہے یعنی کھانے اور پکانے کی اشیاء میں آپس میں گھل مل جانا، جس میں سے چند حرام ہوں اور دیگر حلال، لیکن ایک ہی دوکان میں ، ایک ہی جگہ پکانے وغیرہ کے دوران ہونے والا ملاپ۔مجھے لوگوں نے یہ بتایا ہے کہ جب پیزا پکانے کے لئے تندور نما جگہ میں ڈالا جاتا ہے تو وہاں آبی بخارات کی صورت میں مختلف پیزوں کے عناصر مثلا پنیر، گوشت کے اجزاء وغیرہ  ایک دوسرے میں مل جاتے ہیں، حتی کے ا ن پیزوں کے پکنے کے بعد اگلے پیزے جب پکائے جاتے ہیں تو پچھلوں کے بخارات ان میں تحلیل ہونے کی صلاحیت رکھتے ہیں۔ عام طور پر جو احتیاط اس میں لوگ برتتے ہیں وہ یہ ہے کہ پکنے کے بعد باہر آنے پر پیزا کے ٹکڑے وغیرہ بنانے  میں استعمال ہونے والے آلات کو دھلوا کر یا صاف کرا کے استعمال کراتے ہیں تاکہ گوشت یا دیگر اجزاء بلا گوشت کے پیزوں میں شامل نہ ہو جائیں۔ اوپر دی گئی تفصیل کی روشنی میں کیا یہ احتیاط جو عام طور پر لوگ کرتے ہیں کافی ہے؟ یا پھر ان جگہوں سے پیزا وغیرہ  نہ کھانا ہی احتیاط  ہے؟

جزاک اللہ۔