السلام علیکم

۱- برتن دھونے کے صابن کی اگر چھینٹیں میرے اوپر آجائیں، یا یہ صابن میرے کپڑوں پر لگ جائے، تو کیا مجھے نماز سے قبل کپڑے تبدیل کرنا ہوں گے؟ مجھے اس کا علم نہیں ہے کہ اس میں کسی قسم کے جانور کے کوئی اجزاء وغیرہ استعمال ہوئے ہیں یا نہیں۔

۲- مجھے اس بات کا علم ہے کہ قرآن پڑھانے کے  لئے اجرت لینا جائز نہیں ہے، لیکن یہ بھی سنا ہے کہ پیسہ اس وقت کے عوض لیا جا سکتا ہے جو قرآن پڑھانے پر صرف کیا گیا۔ میں کچھ بچوں کو پڑھاتی ہوں لیکن ان سے کچھ نہیں لیتی، براہ کرم اس سلسلے میں  قرآن و حدیث کی روشنی میں راہنمائی فرمائیے۔ کیا کہ جائز ہے کہ میں ان بچوں سے پیسے تو لوں لیکن پھر اس کو صدقہ کر دوں، کیونکہ جب پیسے نہ لئے جائیں تو ماں باپ اس عمل کو سنجیدگی سے نہیں لیتے، چونکہ یہ فری ہے تو وہ اپنے بچوں کو محنت کی ترغیب نہیں دیتے۔

۳- ہماری مسجد میں چلنے والے حفظ کے پروگرام میں ، لڑکیوں کو پڑھانے کے لئے استانی کی ضرورت ہے، میں فی الحال کسی اجرت کے بغیر یہ کام کرنا چاہتی ہوں، لیکن میں یہ  جاننا چاہتی ہوں کہ کیا پڑھانا جائز ہو گا کیونکہ پڑھانے والوں کو ماہانہ تنخواہ دی جاتی ہے۔ مجھے علم نہیں کہ یہ تنخواہ لینا جائز ہے یا نہیں۔ کیا میرے لئے پڑھانا اور اس کے عوض تنخواہ لینا جائز ہو گا؟

آخر میں یہ عرض ہے کہ میں نے دو مہینے قبل دو سوال پوچھے تھے جس کا جواب اب تک موصول نہ ہوا، کیا اس سلسلے میں میری مدد کی جا سکتی ہے۔

جزاک اللہ خیرا ، اللہ آپ  کو تمام تر محنتوں کے لئے خوب نوازے، آمین۔